— 22 —
dari Sri Ratoe sadja, tapi Ratoe djoega soeda loepaken brapa sobatnja, hingga hatinja ini ferdana mantri soeda djadi sanget kwatir.
Dalem tempo satoe djem jang iaorang soeda kaloear ronda Kardinaal soeda liat tingka lakoenja Comminges, Guitaut dan Villequier dan d'Artagnan djoega. Ia telah dapet kenjataän, maski rahajat negri mengantjem begitoe kras; orang orang sindir Kardinaal atawa Kardinaal bitjara pada jang laen, d'Artagnan tinggal diam sadja, tiada sekali keliatan kwatir atawa ambil perdoeli pada itoe orang orang jang bikin riboet; Kardinaal pikir, satoe orang jang begitoe taba hatinja, tentoe nanti bisa lawan djoega bahaja jang mengantjem padanja.
Maski Mazarin dateng di Parijs pada taon 1635, djadi kira kira toedjoe taon sasoedanja kedjadian bebrapa perkara jang telah ditjeritaken dalem tjerita ,,Tiga panglima prang," Mazarin soeda taoe denger, maski ia tiada dapat taoe trang dalem perkara apa atawa pada waktoe kedjadian perkara apa, itoe officier pada itoe tatkala soeda kasi liat iapoenja kegagahan, tjerdik dan setia hatinja.
Ini pikiran ia tiada bisa loepaken, hingga achirnja ia ambil poetoesan boeat lantes tjari ketrangan dari itoe perkara, tapi itoe ketrangan ia tiada bisa minta pada d'Artagnan sendiri. Koetika bermoela ia bitjara pada d'Artagnan, ia dapet taoe, ini officier asal orang dari Gasconje; dari Gasconje ka wates negri Italie tiada djaoe lagi, maka orang orang dari Gasconje dan orang Italie adatnja tiada berbeda banjak. Kardinaal pikir, tentoe ia nanti bisa rempoek bekerdja dengen d'Artagnan.
Koetika iaorang sampe di tembok pager dari
