— 21 —
dan bisa pegang pamerenta sendiri. Boeat djalanken prentanja tjoetjoe dari almarhoem Baginda Hendrik IV ada banjak lebi senang dari pada kepaksa djalanken prentanja poetranja Pietro Mazarin. Setan! djikaloe akoe moesti boeang djiwa boeat akoe poenja Radja akoe nanti berboeat itoe perkara dengen senang hati, tapi djikaloe itoe perkara moesti kedjadian boeat djalanken prentanja Mazarin, sebagimana baroesan ampir kedjadian dengen akoe poenja neef maski akoe dikasi oepa boeat dateng di sorga akoe masi penasaran djoega."
,,Djangan kwatir, toean de Villequier," kata Kardinaal ,,baek, akoe nanti tjatet, kau betoel setia pada kau poenja Radja."
Kamoedian Kardinaal kata pada barisan jang anter padanja:
Toean toean, keliatannja semoea beres, mari kita poelang !"
Begitoe! kata de Villequier, ,,Mazarin ada sama sama! Betoel bagoes, kau soeda toeloeng akoe berboeat satoe perkara baek, Guitaut, kerna soeda lama akoe ingin kata di hadepannja, begimana akoe pikir dari iapoenja perboeatan. Maski kau brang kali tada ada niatan baek bagi akoe, akoe mengoetjap trima kasi boeat itoe pertoeloengan, Guitaut."
Itoe officier lantes balik masoek dalem roema djaga dengen bergoeit lagoe fronde,
Mazarin soeda djalan lebi doeloe dan kerna ia lagi berpikir, ia tiada dapet denger apa jang paling blakang soeda dikata oleh itoe officier; dari apa jang ia soeda dapet denger dari Comminges, Guitaut dan de Villequier, ia dapet kenjataän, djikaloe sampe kedjadian apa apa, ia melaenken bisa harep dapet pertoeloengan
