— 220 —
djadi djoega orang soeda tjoba boeat toeloeng ia lari, tapi tiada ada satoe perkara begitoe kedjadian, Ini hertog dari sebab bodonja tiada sekali pikir begitoe roepa, ia berlakoe sebagi satoe prempoean toes jang lantaran tiada dapet kemaoeannja memaki tiada brentinja.
Tiap tiep bari hertog de Beaufort pesen pada toean de Charvigny jang djaga padanja, boeat sampeken pada Mazarin roepa roepa perkata’an jang tiada pantes, koetika ia tiada dapet balesan satoe apa ia tiada brentinja menoelis soerat pada Mazarin boeat tjatji ini Kardinaal, koetika tiada dikasi lagi kertas boeat menoelis, dengen potloodnja ia toelis di tembok pendjara, ini potlood djoega ilang, maka ia menoelis dengen sapotong areng sampe itoe areng dijoega diambil.
Blakangan ia dapet idzin boeat piara satoe andjing sebagi temen, tapi lantaran ia sring adjak itoe andjing bitjara dan tiap tiap itoe andjing manggoetken kepalanje, ia bilang itoe andjing djoega ada satoedjoe dengen ia poenja pikiran, jaitoe Mazarin haroes dipotong lehernja, satoe hari itoe andjing djoega soeda djadi mati lantaran kena ratjoen.
Toean de Chavigny, pada siapa ia soeka doedoek bitjara, sring tanja padanja, kenapa ia tiada tjoba sala satoe dari itoe ampatpoeloe roepa tipoe boeat lari dari pendjara, sebagimana ia soeda berkata Koetika ia baroe ditangkep. Lantaran digasi inget itoe perkara, hertog de Beaufort Jantes maoe tjoba tipoenja dengen tjoba boeat sogok pada La Ramee, tapi ini kepala politie jang baroe bli itoe pangkat tiada sekali perdoeliken bitjara’annja ia poenja persakitan, tapi ia djadi ambil atoeran lebi kras, jaitoe piso jang biasa hertog dapet pada waktoe dahar
