— 221 —
ditoekar dengen satoe piso dari perak, sedeng sendok garpoenja dari kajoe.
Ini perkara soeda bikin hertog djadi lebi mara lagi dan pada satoe hari di hadepan bebrapa banjak penggawe pendjara ia angkat bitjara begini :
Toean toean, apa kau tinggal diam sadja, tjoetjoenja almarhoem Radja Hendrik IV jang tersohor kebaeannja pada rahajat negri dihinaken begini roepa. Ventre-saint gris! Ampir akoe pegang pamerentahan negri! Sri Ratoe seraken oeroesan negri pada akoe dan bilang, akoe ada orang jang paling boleh dipertjaja di seantero karadja’an Frans, Toean toean, lepas akoe dari ini pendjara, akoe nanti pergi di astana het Louvre boeat poster kepalanja Mazarin. Kau orang anti kasi masing masing pakerdja’an jang pantes, jang berhasil lebi baek pakerdja’an di sini. Ventre-saint-gris ! Voorwaarts, marsch!
Tapi begimana pande djoega ia bitjara, orang tiada sekali perdoeliken padanja.
Pada satoe hari koetika toean de Chavigny dateng padanja ia tanja:
„Apa kau nanti berboeat, toeap, seandenja pada satoe hari satoe balatentara terdiri dari rahajat kota Parijs dengen tjoekoep alat peprangan dateng menjerang di sini?“
„Monseigneur,“ menjaoet itoe gouverneur manggoet renda padanja, „di tembok sebla depan ada sedia doeapoeloe meriam dan di goedang ada sedia tigapoeloe pelor dan obat snapan, akoe tentoe bales tembak pada iaorang sebrapa bisa,“
— „Ja, Tapi djikaloe kau poenja pelor soeda abis, jaorang nanti menjerang ini benteng dan djikaloe soeda diserang dan dapet diambil, akoe
