— 219 —
senang pikiran, tiada sekali dapet doega, orang begitoe kwatirken ia poenja perkara.
Ia soeda dapet kenjata'an, ia didjaga begitoe kras, hingga daja oepaja boeat lari dari itoe pendjara tentoe pertjoema sadja, maka tiap tiap hari ia tiada brentinja maki maki sadja pada Mazarin.
Hertog de Beaufort ada tjoetjoe dari almarhoem Radja Hendrik IV dan Permisoeri Gabrielle d'Estrése, asal toeroenan dari Gasconje, djoega ia ada saorang jang berboedi dan gaga, tapi dalem ilmoe soerat ia tiada begitoe pande sebagi ia poenja famille jang laen. Ja lebi doeloe ada djadi kapertjaja'annja almarhoem Radja Lodewijk XIII dan koetika ini Radja mangkat sekalian oeroesan Ratoe Anna seraken padanja, itoe koetika ia dianggep sebagi orang jang selaennja dari Radja ada jang berkwasa paling besar di astana karadja'an, tapi kamoedian ia moesti mengala boeat Mazarin.
Lantaran ia tiada bisa tahan maranja dan troen trang sadja menjataken tiada soeka hatinja dengen itoe perkara, maka Ratoe soeda prenta Guitaut boeat tangkep dan bawa padanja di pendjara Vincennes, satoe benteng jang telah diroba djadi satoe pendjara, hingga itoe tempat keada'annja ada lebi tegoe dari satoe pendjara biasa.
Dalem itoe pendjara ia soeda ditahan lima taon lamanja; saorang jang tjerdik tentoe soeda djadi mengarti, ia tiada ada harepan boeat dilepas lagi dari itoe hoekoeman, kerna apabila ia masi ada sobat sobat jang besar kekwasa'annja atawa jang ada disoeka oleh Ratoenja, tentoe lebi doeloe is soeda dilepas dan djikaloe ia ada sobat sobat laen jang berfihak padanja, boleh
