— 218 —
poenja kesalahan jang ia telah berboeat di
kampoengnja; orang nanti kasi ia pake pakean
uniform politie Radja dan dalem sakoe dari itoe
uniform nanti ada sedikit oewang boeat minoem
atas keslametannja ia poenja Radja
Dalem perkara berdjandji Mazarin ada sanget pande, tapi pada waktoenja ia nanti poeter laen haloean.
Mazarin tanja lagi pada La Ramee, begimana diatoer barang makanan boeat itoe persakitan, ia poenja kamar dan tempat pembaringannja. Roepa roepanja ia dapet djawaban jang bikin la rasa senang hatinja.
Djem poekoel sembilan ia bangoen, berpakean dan pergi pada Sri Ratoe boeat tjeritaken lantaran apa semalem ia tiada dateng. Sri Ratoe jang djoega kwatir pembalesannja toean de Beaufort dan sebagimana Mazarin, pertjaja djoega perkara tachajoel, soeda minta Mazarin kasi ketrangan satoe persatoe apa jang La Ramee seda tjeritaker. Sasoedanja Mazarin abis bitjara, Sri Ratoe kata:
Sajang soeggce kita tiada ada orang sebagi Grimaud, soepaja boleh diprenta djaga laen laen prins jang ditoetoep." habar
-,Siapa taoe, brangkali nanti ada lagi orang begitoe, tapi sablonnja..."
-,Sablonnja apa?"
-Sablonnja kedjadian apa apa, akoe maoe sedia lebi doeloe
Lantaran dapet itoe pikiran, ia soeda toelis pada d'Artagnan boeat panggil itoe officier poelang.
_ _ _ _
XIX.
Itoe persakitan, lantaran siapa Kardinaal Mazarin sampe djadi koerang tidoer dan koerang
