— 20 —
barisan pendjaga Radja, ia jang ada hak boeat tangkep itoe orang bangsawan
,,Ja akoe taoe itoe perkara dan bebrapa ratoes kali akoe soeda bilang, ia sala; itoe prenta boekan dikaloearken oleh Radja, kerna pada itoe masa Radja baroe ampat taon oemoernja
"Ja, akoe boleh kasi itoe prenta padanja, tapi akoe lebi soeka kasi kau djalanken itoe perkara."
Dengen tiada menjaoet lagi Guitaut madjoeken koedanja dan sasoedanja ia kasi ketrangan ia poenja pangkat, ia minta officier jang kepalaken itoe barisan djaga dateng mengadep
Toean Villequier kaloear dari roema djaga ,,O, kau jang dateng, Guitaut ?" menanja itoe officier dengen oering oeringan ,,apa kau dateng bikin di sini?"
,,Tjoema maoe dateng tanja sadja di sini ada kedjadian apa ?" kata Guitaut
,,Kau ingin orang bikin apa di sini ?" kata Villequier. ,,Orang tjoema bertreak: Slamet Radja, ,,Boeang Mazarin." Itoe boekan kabar baroe lagi, kita soeda biasa denger itoe treakan"
,,Dan kau ada satoedjoe dengen itoe treakan?" menanja Guitaut dengen tersenjoem.
— ,,Sabenernja akoe sanget ingin bertreak dengen iaorang! Menoeroet akoe poenja pikiran, iaorang poenja toedjoean ada betoel; seandenja bisa dibikin dengen senang hati,, akoe soeka seraken akoe poenja gadji dari lima taon lamanja, apabila dengen itoe bajaran iaorang bisa bikin Radja bisa lantes djadi lima taon lebi toea oemoernja"
— Begitoe? Abis djikaloe Radja soeda ada itoe oemoer, apa nanti kedjadian ?"
— ,,Lima taon lagi Radja soeda sampe oemoer
