— 211 —
tentoeken, itoe persakitan nanti lari dari pendjara, tentoe tiada oesa dibanta lagi, Kardinaal nanti goenaken kekwasa'annja boeat djaga djangan sampe itoe perkara bisa kedjadian.“
„Ja, Allah !“ kata laen orang lagi jang ada berbaring di satoe bangkoe, „apa kau kira, orang bisa melawan pada peroentoengannja ? Djikaloe soeda ada ditentoeken lebi doeloe, hertog de Beaufort nanti bisa lari dari pendjara dan itoe perkara nanti kedjadian, maski Kardinaal goenaken atoeran apa djoega.“
Mazarin djadi gemeter. Ia ada seorang Italiaan, jang pertjaja perkara tachajoel; ia madjoe dihadepan soldadoe djaga jang koetika dapet liat padanja lantes brentiken iaorang poenja bitjara'an.
„Apa kau bilang baroesan, ia menanja dengen manis, kau bilang toean de Beaufort nanti bisa kaloear dari pendjara“
„O, tiada Monseigneur,“ kata itoe soldadoe jang soeda banta bitjara'an baroesan, sekarang tiada oesa dikwatir satoe apa. Orang tjerita ia nanti bisa lari.“
„Dan siapa jang soeda tjerita begitoe?“ kata Kardinaal.
Tjoba kau tjeritaken lagi itoe perkara, Saint Laurent, kata itoe soldadoe pada kawannja.
„Monseigneur,“ kata Saint Laurent, „akoe tjoema tjeritaken pada ini toean toean, apa jang akoe soeda denger dari hal ramalannja Coysel, jang telah siarken kabar, begimana baek djoega toean de Beaufort didjaga, ia nanti bisa lari kalosar, sablonnja hari besar Pinksteren.“
„Dan itoe Coysel tentoe satoe orang goblok, boekan ?“ kata Kardinaal dengen tersenjoem.
„Blon boleh dibilang begitoe,“ kata itoe soldadoe
