— 210 —
dari djadi toekang petang petang, ia ada djadi djoega satoe toekang soenglap"
„Setan, djikaloe la ada djadi kau poenja sobat, perloe kau djaga baek padanja,“ kata satoe soldadoe laen.
—„Kenapa?“
―„Kerna itoe perkara ada melanggar peratoeran negri dan orang boleh tangkep padanja.“
―„Kau maen maen sadja, pada ini masa toekang soenglap tiada nanti dibakar idoep lagi.“
―„Kau bilang tiada boleh! Akoe masi inget, pada masa Kardinaal Richelieu, satoe toekang soenglap, Urbain Grandier, telah dibakar. Akoe taoe betoel itoe perkara, kerna akoe ada toeroet djaga toempoekan kajoe pembakarannja dan akoe liat ia meninggal.“
―„Sobat, itoe Urbain Grandier boekan satos toekang soenglap. Ia ada saorang jang pande dalem ilmoe soerat, ia tiada bisa ramalken orang poenja peroentoengan, tapi ia banjak taoe perkara jang lebi doeloe soeda kedjadian dan ini perkara ada lebi djahat lagi“
„Akoe boekan maoe bilang Coysel tiada pande dalem ilmoe petang petang,“ kata poela itoe soldadoe jang lagi djaga, „tapi akoe maoe bilang, apa jang ia soeda tjeritaken lebi doeloe, tiada nanti bisa kedjadian.“
„Kenapa tiada bisa ?“ kata poela itoe jang laen.
―„Soeda tentoe begitoe. Djikaloe kita berdoea moesti berklai dan lebi doeloe akoe bilang, akoe maoe toesoek kau di sebla kanan atawa di sebla kiri, tentoe kau nanti sedia boeat tangkis akoe poenja penjerangan. Sekarang Coysel lebi doeloe soeda siarken, sablonnja satoa tanggal jang ia
