— 209 —
Kamoedian ia batja tambahan di sebla bawa itoe soerat, satoe perkara jang soeda roba d'Artagnan poenja pikiran, Itoe toelisan boenjinja:
P.S. Kau moesti mampir pada ontvanger Radja di Blois; kasi taoe kau poenja nama dan toendjoeken padanja ini soerat; di sana kau nanti trima doea ratoes pistol."
„Ha, akoe soeka toelis begini roepa, kata d'Artagnan,“ „Kardinaal Mazarin roepa roepanja ada lebi pande menoelis dari akoe doega. Planchet, kita moesti pergi koendjoengin onivanger Radja, Kamoedian kita moesti lari dengen kras.“
— „Ka Parijs, toean?“
— „Ka Parijs.“
Ini doea orang lantes lariken iaorang poenja koeda.
— — — —
XVIII.
SeKarang kita moesti tjeritaken apa jang soeda kedjadian di kota Parijs dan lantaran apa d'Artagnan dipanggil poelang.
Pada satoe malem Mazarin sebagimana biasa maoe pergi pada Sri Ratoe pada waktoe jang laen laen orang soeda tiada ada lagi di astana, ia djalan di satoe kawar jang berdamping dengen Kamar, di mana soldadoe djaga biasa berkoempoel. Ia denger orang lagi rame bitjara dan ingin taoe apa jang lagi dibitjaraken, maka dengen plahan ia hampirken itoe orang orang.
Roepa roepanja soldadoe djaga tiada djadi satoedjoe dalem satoe oeroesan.
„Akoe brani tanggoeng,“ kata satoe soldadoe, djikaloe Coysel soeda ramalken begitoe, itoe perkara tentoe nanti kedjadian. Akoe tiada kenal padanja, tapi apa akoe soeda denger, selaennja
