— 205 —
dalem hatinja, „dari mana ia denger ini perkara? Apa ia brangkali dapet kabar dari Aramis? Djilkaloe akoe dapet katentoean dari ini perkara, akoe nanti bisa dapet taoe lebi banjak.“
Itoe koetika Raoul dateng masoek, maka itoe bitjara’an djadi brenti. Athos ada niat boeat kasi tegoran pada ini anak meeda, tapi moekanja Raoul Keliatannja begitoe koesoet, hingga Athos tiada djadi gégér padanja.
„Apa kakinja itoe nona djadi lebi sakit ?“ menanja d’Artagnan.
„Ach, toean,“ kata Raoul dengen swara sedi, hingga ampir tiada bisa kaloear, „menoeroet dokter poenja ketrangan, maski di sebla loear tiada ada loeka satoe apa, ia kwatir, lantaran ia djato, kakinja itoe nona tiada bisa djadi baek betoel dan saoemoernja ia moesti tinggal djalan pintjang.“
„Ach, djikaloe djadi begitoe betoel terlaloe !“ tata Athos.
„Ach, toean, apa jang bikin akoe djadi sanget menjesel,“ kata Raoul, „akoe telah djadi lantaran dari itoe ketjilaka’an.“
„Begimana kau boleh bilang begitoe, Raoul?“ menanja Athos.
„Tentoe lantaran akoe, kerna lantatan ia maoe hampirken akoe, ia soeda lompat dan djadi djato,“ Kata Raoul.
„Sekarang tjoema ada satoe djalan sadja boeat bikin betoel itoe perkara, Raoul,“ kata d’Artagman, „kau moesti menika sadja padanja.“
„Toean, kau boeat permaenan sedeng orang ada dalem soesa, itoe koerang baek,“ kata Raoul.
Kamoedian itoe anak moeda jang ingin tinggal saorang diri boeat menangis pikirin ia poenja
