— 204 —
satoe orang jang tiada haroes diboeat toean! Akoe satoedjoe dengen kau poenja pikiran, tapi apa kau bisa tjariken boeat akoe satoe toean jang lebi baek atawa kasi satoe pengidoepan pada akoe ?"
Athos tinggal diam berpikir sabentar, tapi dalem itoe tempo ia soeda dapet tebak d’Artagnan poenja maksoed, jang bermoela soeda tiada keboeroe tahan lagi bitjaranja, kamoedian poeter ia poenja haloean. Athos mengarti, itoe voorstel soeda dibikin atas perminta’annja Mazarin dan apabila ia, Athos, soeka toeroet, tentoe ia boleh dapet denger perdjandjiannja lebi trang.
„Bagoes,“ kata Athos dalem hatinja, „djadi d’Artagnan ada pada fihaknja Mazarin.“
Lantaran dapet itoe pikiran, ia sekarang djadi lebi ati ati, sedeng d’Artagnan sebrapa boleh tiada sekali maoe bitjara lagi dari ini oeroeran.
„Tapi kau. sendiri toch ada poenja satoe niat?“ kata Athos.
— „Tentoe, Akoe dateng pada kau boeat adjak kau toeroet djadi satoe, kerna akoe kwatir, djikaloe tiada koempoel djadi satoe, kita boleh dibilang blon sangkep boeat berboeat sala satoe perkara.“
— „Itoe betoel. Baroesan kau bilang kau soeda boedjoek Porthos boeat pergi tjari peroentoengannja. Tapi ia soeda ada tjoskoep oewang.“
— „Oewang ia soeda ada sampe banjak, tapi menoesia memang selamanja maoe lebi sadja.“
— „Porthos maoe apa lagi“
— „Ia ingin djadi baron.“
„O, ja, akoe loepa ini perkara,“ kata Athos dengen ketawa.
„Kenapa ia Kata: ,O, ja“ d'Artagnan pikir
