— 196 —
kadengeran swara lagi dan lantaran kasepian dan tjape d’Artagnan djoega djadi poeles.
D’Artagnan boekan satoe orang jang soeka tidoer banjak. Besok paginja baroe sadja hawa oedara moelai trang, ia soeda boeka djendela. Itoe koetika ia dapet liat di tempat gelap ada satoe orang berdjalan dan sebrapa boleh tiada maoe bikin riboet. Menoeroet adat Kebiasa’annja, d’Artagnan djikaloe dapet liat satoe perkara kedjadian di hadepannja, selamanja ia maoe taoe sampe abis, maka dengen tinggal diam sadja, soepaja itoe orang tiada nanti dapet liat padanja, ia tinggal awasin itoe orang dan tiada lama ia dapet kenalken dari pakeannja, itoe orang Raoul adanja.
Ini anak moeda soeda boeka pintoe istal, dari mana ia kasi kaloear koeda jang kemaren ia soeda toenggang, selaken dengen tjepet, kamoedian ia toentoen itoe koeda djalan di roempoet menoedjoe ka satoe pintoe ketjil boeat kaloear. Itoe pintoe ia boeka, tarik koedanja kaloear dan toetoep lagi itoe pintoe, tiada lama poela d’Artagnan dapet liat itoe koeda soeda dilariken kras menoedjoe ka Blois.
„Liat itoe anak moeda,“ kata d’Artagnan dalem hatinja, „ia soeda banjak madjoe dalem perkara tjinta dan tiada sekali satoedjoe dengen Kelakoeannja Athos jang sanget bentji pada orang orang prempoean. Ia boekan pergi memboeroe, sebab ia tiada ada bawa snapan atawa andjing. Ia djoega boekan djalanken sala satoe prenta, kerna ia kaloear dengen semboeni. Sebab apa ia berboeat begitoe dan apa ia semboeni boeat ajahnja apa boeat akoe? Parblieu, akoe doega, graaf de la Fere tentoe ada ajahnja itoe
