— 195 —
ia pikir, besoknja moesti bitjara sadja troes trang. Athos jang selamanja maoe pegang ia poenja deradjat tinggi, roepa roepanja tiada ada tjoekoep oewang boeat itoe perkara dan sebab memang adatnja brangasan, maka boleh diharep, ia nanti soeka toeroet d’Artagnan poenja voorstel dan djadi Keoentoengan bagi fihaknja Mazarin.
Lantaran dapet itoe pikiran, d’Artagnan djadi blon bisa tidoer poeles, maski badannja ia rasa sanget tjape. la pikir soeda tetep boeat bitjaraken ini oeroesan besok paginja. Betoel lebi doeloe ia ada niat boeat tinggal pada Athos satoe doea hari lebi doeloe boeat liat begimana sobatnja ada pikir dari perkara polities, tapi ia pikir lebi djaoe, pada Athos ia tiada boleh goenaken tipoenja jang ia soeda goenaken pada Aramis dan Porthos, tapi pada Athos ia moesti bitjara sadja troes trang.
„Tapi kenapa Grimaud tiada ada di sini?“ kata d’Artagnan dalem hatinja, „maski ia ada sebagi satoe orang bisoe, tapi dari tingka lakoenja akoe bisa liat glagat.“
Plahan plahan di itoe roema soeda djadi soenji, d’Artagnan denger pintoe dan djendela dikoentji, abis bebrapa lamanja andjing menggonggong dan koetika swaranja itoe binatang djoega soeda brenti, d’Artagnan dapet denger swara tindakan orang djalan moendar mandir di satoe kamar jang pernanja disebla kamar, di mana d’Artagnan ada. Ia doega, itoe tempat ada kamarnja Athos
„Ia djalan moendar mandir dan lagi berpikir,“ kata d’artagnan dalem hatinja, „tapi perkara apa jang ia pikirken? Itoe hal betoel soesa didoega.“
Kamoedian dari kamarnja Athos djoega tiada
