— 177 —
kita tjari. Boeka sadja pintoe, kerna akoe ingin kasi taoe kau poenja toean, akoe poenja toean, saorang bangsawan, pada siapa kau poenja toean ada bersobat, ingin ketemoe padanja.“
„Kenapa kau tiada bilang lebi doeloe itoe perkara !“ kata itoe pengawal dengen boeka pintoe hek. „Mana kau poenja toean ?“
Sasoedanja pintoe diboeka, itoe pengawal djalan lebi doeloe, sedeng Planchet kasi satoe tanda pada d'Artagnan boeat dateng. Itoe koetika d'Artagnan poenja hati bergontjang sanget kras.
Koetika Planchet ada di sebla depan roema, Ia denger satoe swara berkata:
„Abis mana itoe orang bangsawan? dan kenapa kau tiada anter padanja ka mari ?“
Itoe swara jang d'Artagnan djoega soeda dapet denger, telah bikin hatinja djadi loepa sama sekali apa jang baroesan soeda bikin ia djadi begitoe kwatir.
„Akoe kenal itoe orang,“ kata Athos koetika ia soeda sampe di galerij depan.
„O, ja, toean graaf, kau kenal akoe dan akoe kenal pada toean, akoe kenal baek. Akoe ada Planchet, toean graaf, Planchet, toean tentoe masi inget....,“ kata Planchet.
Planchet soeda tiada bisa bitjara lagi koetika ia dapet liat Athos
„Apa! Planchet!“ kata Athos, „apa toean d'Artagnan djoega ada di sini ?“
„Akoe ada di sini, sobat! akoe ada di sini, Athos,“ kata d'Artagnan jang baroe toeroen dari koeda dan djalan sedikit selojongan.
Koetika denger itoe swara, moekanja Athos djadi beroba keliatan girang dan sedeng moekanja tiada brentinja awasin d'Artagnan, ia
Doeapoeloe taon blakangan
23
