— 173 —
djikaloe akoe tiada doega sala, itoe tembok jang mera ada tembok kota Blois.“
— „Boleh djadi dan itoe mertjoe mertjoe jang keliatan di antara poehoen poehoen ada sama dengen apa jang orang soeda tjeritaken dari Chambord.“
„Apa kita moesti mampir di itoe kota?“ menanja Planchet.
„Ja, boeat tjari ketrangan lebi doeloe,“ kata d'Artagnan.
Itoe koetika satoe grobak jang ditarik oleh sampi dan ada moeat kajoe melintas di djalanan dan menoedjoe ka satoe djalanan jang troes ka pelaboean Loire, di mana biasanja ada dimoeat banjak kajoe.
„He, sobat !“ bertreak Planchet pada itoe toekang grobak,
„Ada kabar apa, toean ?“ menanja toekang grobak itoe.
„Kita orang tjari tempat tinggalnja toean graaf de la Fere, kata d'Artagnan apa kau taoe denger itoe nama ?“
Koetika denger namanja itoe graaf diseboet, itoe toekang grobak lantes boeka topinja dan berkata:
„Toean toean, ini kajoe jang akoe bawa ada kepoenja'annja itoe toean graaf, akoe soeda potong dari oetannja dan sekarang maoe dibawa ka astana.“
D'Artagnan tiada maoe menanja lebi banjak, kerna ia kwatir, ia nanti dapet ketrangan sebagimana baroesan ia soeda doega dan bitjaraken itoe oeroesan dengen Planchet.
„Astana !“ d'Artagnan pikir dalem hatinja; „astana! o, akoe mengarti sekarang, Athos orangnja brangasan, ia tentoe soeda paksa
