— 161 —
bakar roema roema, o, banjak matjem permaenan boeat hiboerken kita poenja hati."
― „Djikaloe begitoe akoe tentoe maoe toeroet.“
― „Djadi kau berdjandji pasti ?“
― „Tentoe, akoe nanti goenaken akoe poenja sendjata boeat Mazarin. Tapi....“
― „Tapi apa lagi?“
― „Ia moesti bikin akoe djadi baron,“
― „Pardieu! itoe perkara soeda ditentoeken lebi doeloe; akoe soeda djandjiken kau itoe perkara, akoe oelangken lagi sekali, akoe tanggoeng, kau nanti djadi satoe baron.“
Porthos poenja pikiran djadi senang sekali denger d'Artagnan berdjandji begitoe.
― ― ― ―
XIV.
Sedeng iaorang lagi djalan balik ka astana dan Porthos lagi pikirken gelaran baron jang ia sanget ingin dapet, d'Artagnan pikir, kenapa menoesia banjak jang tiada trima peroentoengannja dan selamanja ingin dapet apa jang ia tiada ada poenja. Seandenja ia, d'Artagnan, ada djadi Porthos, tentoe ia rasa dirinja sampe tjoekoep senang. Apa jang Porthos inginken ? Tjoema lima letter di depan namanja dan satoe kroon jang ia boleh prenta tjat di kretanja.
„Djadi selamanja akoe idoep,“ d'Artagnan berpikir dalem hatinja, „akoe nanti dapetken kanan dan kiri menoesia jang rasa dirinja blon sampe beroentoeng.“
Sedeng ia masi pikirken itoe perkara dan Porthos tinggal masoek ka dalem boeat prenta kokinja tengteng barang makanan jang moesti
dibikin sedia, ia liat Mousqueton hampirken padanja. Mousqueton poenja moeka keliatannja ada sedikit koesoet, tapi laen dari itoe orang
Doeapoeloe taon blakangan
21
