— 160 —
— „Apa itoe perkara bisa beres dengen lekas?"
— „Akoe blon bisa bilang satoe apa, boleh djadi lekas, tapi boleh djadi djoega sampe doea tiga taon lamanja."
— „Apa kita moesti berklai sring ?"
— „Akoe ingin ada begitoe.“
„Tapi djikaloe dipikir lebi djaoe, baek kita moesti sring berklai!" kata Porthos. „Kau tiada nanti bisa doega, sobat, begimana gatel rasanja akoe poenja tangan moelai dari akoe baroe dateng tinggal di sini! Kadang kadang pada hari Minggoe djikaloe akoe poelang dari gredja, akoe sengadja kasi lari akoe poenja koeda di laen orang poenja kebon kebon dengen harepan dapet tjidra pata jang poenja, tapi toch tiada kedjadian satoe apa; apa kau tiada djadi-heran, sobat ? Akoe poenja andjing sringkali akoe prenta lari di sawa sawa jang ada poehoen padinja, hingga itoe poehoon padi banjak jang roesak, maski begitoe tiada ada jang dateng minta, bikin duel dengen akoe. Akoe doega, boekan lantaran orang pandang akoe dengen hormat, tapi lantaran iaorang tiada brani bertanding dengen akoe. Apa di kota Parijs sekarang ada lebi gampang tjari lantaran “boeat berklai ?"
„O, itoe perkara sekarang sedeng. bagoesnja," kata d’Artagnan, „peratoeran larang orang bikin duel soeda tiada diperdoeliken lagi, tiada ada Jussac dengen orang orangnja jang ronda. Orang boleh berklai di pinggir djalan, di satoe roema makan, pendeknja di mana sadja kau soeka. Baroe ini toean de Guise soeda boenoe toean de Coligny di lapangan Place Royale."
— „O, begitoe betoel bagoes."
— „Laen dari itoe, tiada lama moesti maloemken prang meriam nanti dipasang,
