— 13 —
akoe, atawa lebi baek dibilang, akoe maoe toeroet pada kau."
— „Baek, akoe sedia boeat toeroet Eminentie poenja prenta.".
— „Akoe maoe liat barisan jang djaga di astana Palais Royal, apa kau kira ada bahaja djikaloe akoe kerdjaken ini perkara ?"
„Bahaja, Monseigneur?" menanja d'Artagnan dengen kaget. „Bahaja apa ?"
„Orang bilang sekalian rahajat negri soeda brontak," kata Kardinaal.
— „Barisan musketier dihargaken tinggi oleh iaorang dan seandenja iaorang tiada perdoeliken itoe perkara, akoe dengen ampat orang sadja sanggoep oesir saratoes orang peroesoehan."
— „Kau toch liat apa iaorang soeda bikin dengen luitenant Comminges."
— „Toean Comminges ada dari barisan pendjaga astana, boekan dari barisan musketier."
— „Apa mengartinja itoe perkataän? Apa barisan musketier ada lebi gaga dari barisan pendjaga astana ?"
— „Masing masing lebi soeka pada pakean dari barisannja sendiri, Monseigneur."
— „Selaennja dari akoe, kau soeda liat sendiri, akoe boeka akoe poenja pakean boeat pake pakeannja musketier."
— „O, Monseigneur sanget rendaken diri. Seandenja akoe bisa dapet pake itoe pakean, selamanja akoe tiada nanti maoe pake laen roepa pakean."
— „Ja, tapi boeat kaloear ini malem barangkali itoe pakean boleh djadi bahaja. Bernouin, ambil akoe poenja topi."
Pengawal sigra dateng dengen satoe topi jang biasa dipake oleh musketier.
