— 12 —
baroe ampatpoeloe anem taon dan tjakep, pengawakannja sedeng, idoeng sedikit besar tapi pantes, koelitnja aloes, ramboetnja koening toea dan sedikit kriting dan satoe djenggot jang dirawat baek. Ia pake band, di mana iapoenja pedang ada digantoeng, saroeng tangan dari koelit jang ia soeda ambil, sebab ia ada pake pakean musketier, ia taro kombali dan pake sadja saroeng tangan soetra.
Itoe koetika pintoe diboeka.
„Toean d'Artagnan !" kata pengawalnja.
Satoe officier dateng masoek.
Itoe officier ada satoe orang jang ampir ampat poeloe taon oemoernja, pengawakannja ketjil tapi djeli, badannja koeroes, matanja tjeli, djenggotnja item, tapi ramboet kepalanja soeda moelai ada oebannja.
d'Artagnan masoek dalem itoe kamar jang ia soeda kenal, kerna koetika Kardinaal Richelieu masi ada, ia soeda taoe masoek dalem itoe kamar; ia djalan bebrapa tindak dan dapet liat satoe orang jang berpake pakean dari iapoenja barisan, tapi baroe sadja ia liat moekanja itoe orang, lantes ia kenalken Kardinaal.
Ia tinggal berdiri dan kasi hormat.
Kardinaal awasin padanja sabentar, kamoedian ia tanja:
„Apa kau toean d'Artagnan ?"
„Betoel, Monseigneur," itoe officier menjaoet
Kardinaal awasin lagi itoe officier sebagi ia maoe dapet taoe begimana kelakoeannja itoe orang, tapi d'Artagnan tinggal berdiri tetep: ia soeda biasa mengadep pada orang orang besar.
„Toean," kata Kardinaal, „kau moesti anter
