— 131 —
hari soeda paksa akoe boeat bitjaraken itoe perkara.“
„Coadjutor ada toean de Gondy, moesoenja Kardinaal !“ kata. d’Artagnan.
„Boekan, ia ada sobatnja Radja,“ menjaoet Aramis, „kau mengarti,coadjutor ada sobatnja Radja. Djadi dengen bantoe coadjutor kita bela haknja Radja, sebagimana memang ada kewadjibannja sekalian orang bangsawan.“
— „Tapi Radja ada pada toean Mazarin, sobat!“
— „Sebenernja ada begitoe, tapi boekan dengen maoe sendiri; keliatannja Radja toeroet Mazarin poenja maoe, tapi rahajat negri mengarti Radja ditipoe boeat berboeat begitoe.“
— „Tapi djikaloe toeroet kau poenjs maoe, Aramis, nanti boleh terbit perkara prang dengen rahajat negri sendiri.“
— „Maloemken prang boeat bela Radja.“
— „Tapi Radja nanti kepalaken balatentaranja Mazarin.“
— „Tapi hatinja ada di fihak bala tentara jang dikepalaken oleh prins de Beaufort.“
— „Toean de Beaufort? Itoe prins ada dalem pendjara di Vincennes.“
_ „Apa baroesan akoe seboet namanja toean de Beaufort? menanja Aramis, „toean de Beauiort atawa laen orang sama djoega, brangkali toean prins.“
_ „Tapi toean prins soeda sedia boeat brangkat pada balatentara jang moesti maloemken prang dengen orang Spanjol; dan ia ada pada fihaknja Kardinaal,“ kata d’Artagnan.
„Hm, hm,“ Aramis berdehem, ,baroe ini ia orang soeda dapet tjidra, tapi djikaloe ia tiada bisa, brangkali toean de Gondy nanti kepalaken itoe balatentara.“
