— 11 —
anem sore. Ia ambil satoe soeitan dari perak jang ada di depannja dan tioep itoe soeitan doea kali beroentoen.
Satoe pintoe jang ditoetoep dengen gordijn diboeka dengen tiada berswara dan saorang jang berpake pakean item dateng berdiri di blakangnja Kardinaal.
„Bernouin," kata Kardinaal dengen tiada menengok lagi, kerna djikaloe ia tioep soeitannja doea kali tentoe iapoenja pengawal kamar ada di blakangnja, „barisan mana djaga di astana?"
— „Musketier item, Monseigneur."
— „Compagnie mana?"
— „Compagnie di bawa prentanja toean Treville"
— „Apa satoe antara officiernja ada di depan?"
— „Luitenant d'Artagnan."
— „Satoe off cier baek, boekan?"
— „Ja, Monseigneur."
— „Ambil akoe poenja pakean musketier dan toeloeng akoe berpake."
Itoe pengawal lantes djalan dengen tiada berswara, sebagimana ia soeda dateng; tiada lama poela ia balik dengen bawa itoe pakean jang diminta.
Dengen tiada berkata satoe apa, tapi dalem hatinja berpikir, Kardinaal boeka iapoenja pakean kabesaran jang ia soeda pake koetika ia maoe pergi di parlement dan pake pakean militair sasoedanja slese toekar pakean, ia kata:
„Pergi panggil toean d'Artagnan."
Itoe pengawal djalan kaloear dari pintoe tenga.
Koetika ia tinggal saorang diri, Kardinaal berdiri di depan katja. Ia pikir, ia masi moeda,
