— 10 —
kaget koetika liat itoe luitenant dan minta dikasi ketrangan.
Sebagimana soeda didoega lebi doeloe, rahajat negri telah djadi semingkin mara koetika iaorang dilarang bosat bikin riboet; iaorang soeda rampas lotjeng lotjeng di gredja dan go jang itoe lotjeng lotjeng boeat kasi tanda pada iaorang poenja kawan. Luitenant Comminges soeda tangkep satos orang jang bermoela bertoeat itoe perkara; dengen bebrapa soldadoe ia bawa itoe orang menoedjoe ka astana, di mana itoe orang moesti digantoeng, tapi di djalanan iaorang soeda diserang dan disambit de ngen batoe, hingga iaorang dapet banjak loeka; itoe persakitan soeda lari dan masoek dalem satoe roema jang lantes dikepoeng oleh soldadoe, tapi maski ditjari begimana djoega, itoe orang tiada dapet ditangkep lagi. Luitenant Comminges soeda inggalken satoe barisan boeat djaga di djalan, ia sendiri pergi di astana boeat kasi rapport pada Sri Ratoe. Di djalan orang soeda serang lagi padanja, bebrapa soldadoe jang anter padanja soeda dapet loeka ditoesoek dengen toembak, sedeng ia sendiri soeda disam bit dengen batoe betoelan alisnja.
Commandant dari barisan pendjaga kasi ketrangan, balatentara negri tiada ada sampe tjoekoep boeat melawan itoe pembrontakan. maka satoe bagian besar dari balatentara diprenta djaga di depan dan sapoeternja astana keradj än.
begitoe keadaan di kota Parijs koetika ini tjerita dimoelai, maka Kardinaal Mazarin tiada brentinja pikirken itoe perkara.
Dengen kaget ia angkat kepalanja dan liat lotjeng jang itoe koetika ampir berboenji djem
