254
PENGHIDOEPAN
saben saben oendjoek roepanja laksana petjoet wadja jang tadjem.
Mendadak satoe soeara jang santer kadengeran lagi, apakah itoe? Satoe kilat jang pandjang sekali seperti naga poetih dari atas toeroen ka boemi, dibarengin dengen membledaarnja samberan gledek jang amat keras! Di antara kilap, Zara kaliatan atjoengken kadoea tangannja, berdongak, bersenjoem, dan laloe djato-tida berkoetik lagi! Kita semoea djadi kaget sekali dan bersama bangkit sampirin padanja jang soedah menggletak, angkat itoe toeboeh ka dalem kamar diletakin di atas sofa. Sampe bebrapa seconde kita rasaken kita poena koeping seperti toeli, djoebin jang kita indjek terasa bergerak seperti satoe bom jang besar jang dilemparin dari masin terbang meledak di depan kita semoea. Baroe sadja kita beres pernaken badannja Zara lantas oedjan toeroen seperti ditoewang - toewang.
„Apa soeda terdjadi? Kenapa?" berseroeh Miss Amy jang lantaran goegoep tinggal doedoek di atas krosinja.
„Ia soedah disamber petir dengen heibat," akoe menerangi. Kamoedian akoe ketjrotken eau de Cologne di djidatnja Zara jang dikasihken oleh nionja Daddy. „Akoe rasa ia aken inget poela dalem sedikit meniet poela."
Badankoe terasa panas-dirgin, bergoemeter, samentara aermatakoe, di loear akoe poenja kainginan, menetes kaloear. Holbaz boeroe-boeroe toetoep antero djen-
