Dimana adanja Allah
255
dela, gordijn dan toeroenken lajar, dan satelah mana lantas samperin Zara jang tinggal tjelentang, pegang ia poenja nadi. Kita saksiken itoe kadjadian heibat dengen hati bingoeng. Selang sakean waktoe Zara tetep tida tersedar, hingga Miss Amy dan njonja Daddy dengen tida tertahan moelai menangis, soeatoe tanda marika moelai poetoes harepan. Mr. Johnson dengen sapoetangan jang dibasahin aer dingin tempelin itoe di tempilingannja Zara; tapi si korban tetep toetoep matanja dan tida terdapet tanda-tanda dari kahidoepan — maski iapoenja bibir tersoengging sama senjoeman. Dalem saat saat mana sang oedjan teroes toe. roen dengen lebat serta angin menioep menderoe deroe memoekoel pajon dan djendela roemah. Achiraja, sasoedah berdiam lama djoega Holbaz berkata:
„Akoe pikir baek oendang satoe dokter jang pande boeat bantoe preksa iapoenja keadaan, dari pada akoe sendiri mengobatin ia. Boleh djadi Zara pangsan keras loear biasa."
Sigra Mr. Johnson djawab tawarken iapoenja bantoean. .,Dengen goembira akoe berse dia boeat lakoeken itoe," ia menjataken. „Dan lagi akoe rasa baek kita sebagi tetamoe berlaloe doeloe dari sini. Kita boleh goenaken auto kita jang sedeng menoenggoe boeat oendang satoe dokter dari Bandoeng. Dalem keadaan sekarang biarlah Zara djangan diroeboengi oleh banjak orang, tinggal dalem kasoenjian boeat ia mengasoh, dan tetamoe lebih
