246
PENGHIDOEPAN
tiara dengen satoe brilliant tergantoeng di bawah tenggorokannja. Iapoenja ramboet jang gompiok serta item djengat terkonde begitoe roepa, menambahken eiloknja iapoenja potongan moeka jang moeloes. Di mana dadahnja ia tjantoemken sagenggem kembang kembang toelen, jang soeroep betoel meriasin iapoenja kaeilokan. Koetika lama djoega akoe djadi boengkem dibikin tersemsem oleh itoe matjem kaeilokan, kamoedian akoe baroe mengoetjap:
„Kaoe tertampak seperti penganten, Zara! Kaoe telah terboeng koes mendjadi satoe dengen itoe satin poetih, moetiara, dan kembang-kembang!
Ia bersenjoem. „Kaoe poenja poedjian terlaloe tinggi," ia membales. ,,Ini moetiara akoe pake kerna kasajangankoe, tanda-mata dari iboekoe; ini satin poetih boeat sekarang tida lagi dipake meloeloe boeat penganten, soeda oemoem boeat semoea orang. Brapa bagoes dan manis itoe Indian crepe jang kaoe pake! Pemandenganmoe tida koerang menarik maski kaliatan saderhana. Apa kaoe soeda beres?"
„Soeda," akoe menjaoet.
Ia memandang akoe sakoetika lama dengen sorot mata jang sympathiek. Tiba-tiba ia berkata: „Sebelon kita dateng di roeangan pesta boeat samboet itoe sekalian tetamoe, akoe harep kaoe tjioem akoe sekali."
Lantas akoe peloek ia dengen penoeh katjinta'an, dan kita poenja bibir saling beradoe setjara bersoemanget sekali.
