Dimana adanja Allah
245
tjoel; sasoeatoe kadjadian tentoe ada hoeboengannja dengen jang laen, dan segala apa toch tetep bergerak boeat sampeken kasampoerna'an.”
Boeat itoe dinner party akoe pake pakean dari Indian crepe dress, dengen selipken bebrapa tangkei boenga roos jang akoe baroesan petik di dadakoe setjara jang amat saderhana sekali. Satelah akoe seleseh, akoe berdiri di depan katja toilet di mana akoe pandang roepakoe dengen bersoekoer. Sinar kasehatan jang sampoerna, rasa jang bergoembira, mata jang djerni, koelit moeka jang merah djamboe dan sebaginja terpetab dalem dirikoe — tanda-tanda sampe brapa djaoeh kawarasankoe telah kombali. Akoe saolah-olah terlahir baroe kombali — boeat mana akoe dengen tida terasa mengoetjap soekoer pada Allah dan Holbaz Casimir!
„Amin !“ satoe soeara samboetin perkata'an soekoerkoe itoe, jang kapan akoe berpaling ternjata Zara ada di blakangkoe.
Bisakah akoe loekisken iapoenja kaeilokan di itoe soreh? Akoe berasa seaken-aken tida tida dapet perkata 'an tjoekoep boeat terangin katjantikannja, satoe katjantikan jang boekan tempatnja dalem doenia ini. Ia berpakean dari satin warna poetih tedoeh jang bagoes, sedeng pinggangnja memake band dari moetiara jang bening bening -
sadjoemblah moetiara jang pasti boekan maen harganja. Iapoenja leher jang djoendjang dan lengan tangan jang tiroes montok tinggal terboeka, dan doea belas moe
