Dimana adanja Allah
247
Apakah kaoe selamanja tra'aken loepain akoe?" ia menanja, „tida aken singkirken akoe dari dalem batinmoe?"
„Brapa indah kaoe ini malem ada, Zara dear!" akoe samboeng bitjara. „Tida, biar sampe langit roeboe akoe toch soesah loepaken kaoe Akoe selaloe inget kaoe sebagi saorang prempoean jang paling berboedi, tjinta kasih, tjantik manis dalem ini doenia."
„Tapi kapan akoe soeda tida ada lagi dalem ini doenia-bagimana kamoedian?" ia menegesin.
Menginget jang Zara oetamaken soeal karochanian, akoe laloe berkata:
„Bila kaoe soeda tida ada di antara orang hidoep, toch tetep akoe anggep kaoe sebagi salah satoe bidadari jang baek boedi. Demikian kaoe liat, Zara Darling, akoe senantiasa—selamanja tjinta kaoe."
„Akoe pertjaja kaoe poenja katjinta'an jang kekel," ia berkata dengen sifat ngelamoen djaoeh,,,kaoe teritoeng mendjadi satoe dengen kita. Tapi hajolah! Akoe denger di loear ada soeara. Boleh djadi kita poenja tetamoe soeda dateng dan kita moesti lekas samboet iaorang dikamar tetamoe. Slamet tinggal, sobat jang berboedi!" Dan ia kombali tjioem pipikoe.
„Slamet tinggal!" akoe membales dengen heran. Kenapa kita moesti oetjapken itoe perkata'an 'slamet tinggal'?"
Akoe poenja hati sanget berdebar dengen iapoenja kalakoean selama sa'at-sa'at belakang-
