244
PENGHIDOEPAN
dan Zara satelah makan tengahari laloe mengilang sataoe ka mana. Akoe liat pintoe kamaraja terkoentji, akoe ketok brapa kali tapi tida ada soeara. Lantas akoe peri ka kamar sembahjang, djoega pintoenja tertoetoep rapet, soenji, dalem Villa Mars di hari itoe seperti roemah kosong sadja. Lantaran iseng akoe dateng di kebon sendirian sambil membawa sadjilid boekoe jang akoe batja. sambil doedoek di bangkoe deket fontein, di bawah ajoepan poehoen poehoen jang tedoeh.
Dipengaroehken oleh keada'an di sakiterkoe, jang begitoe tedoeh dan adem, tambahan itoe boekoe jang akoe batja sanget bagoes karangannja, membikin akoe anjoet ka laoetan lamoenan jang djaoeh sekali, dalem satoe reverie jang tida berwates. Kamoedian tiba tiba akoe dibikin terkedjoet oleh berklenengnja sang lontjeng anem kali dan matahari soeda oempetken diri di blakang goenoeng. Akoe inget itoe sobat-sobat jang sabentar aken dateng boeat hadlirin dinner party atas oendangan Zara, dan dengen tjepet akoe bertindak ka kamarkoe boeat berdandan. Sepandjang akoe lakoeken apa-apa. akoe poenja pikiran teroes memikiri pribal Zara poenja perminta'an jang sanget mengheranken. Achirnja akoe poenja pengrasahan berbisik padakoe:
„Tida goena aken akoe pikirin tentang Zara poenja perminta 'an itoe atawa apa maksoednja jang sedjati. Hadepken sadja segala hal dengen katetepan sembarang waktoe hal halitoe moen-
