Dimana adanja Allah
239
XII.
SADJEK akoe dibikin semboeh oleh Holbaz, akoe rasaken penghidoepankoe saolah-olah terleboer serba baroe. Malem enak tidoer, mendoesin pagi-pagi akoe samboet kadatengan sinar terang dengen kasehatan lahir batin jang sampoerna sekali-hidoep 100% dalem arti jang sedjati sebagimana Wet Natuur menetepken!
Itoe pagi, sebagimana biasa akoe ambil santapan pagi bersama Holbaz dan Zara dalem kamar makan sambil berbitjara dengen girang. Tapi maski kita oendjoek kagoem bira'an, tida loepoet akoe menampak baek Holbaz atawa Zara doea-doea seperti orang jang bersedih. Teroetama Zara poenja aer moeka ada bedah dari biasa dan di iapoenja mata ada berlinang sedikit aer, jang brapa kali ia hendak saroein itoe.
Lagi hal jang aneh tentang itoe andjing Leo, djoega kaliatan lesoe dan tida gesit sebagimana mendjadi kabiasa'annja. Satoe doea; kali "itoe andjing saben- saben paranin kakinja Holbaz serta djilat djilat itoe, kamoedian ia dongakin kepala mengaoeng dengen soeara pandjang seaken-aken orang mengoeloen. Oh, itoe ngaoengan dari Leo sanget menggontjangken rasa hatikoe, akoe saolah-olah dapet firasat tida
