238
PENGHIDOEPAN
senjoem. „Kita poenja persobatan boekan tjoema berwates di ini doenia sadja, tapi sampe di doenia jang mana poen!“
Akoe peloek dan tioem padanja, kamoedian ia melandjoetken:
„Ja, biar kamatian sekali tida aken memoetoesken perhoeboengan kita; bagikoe kamatian akoe hargaken sama dengen penghidoepan !”
„Tapi, Zara, akoe tida sangkal kaoe poenja perkata'an itoe, dan tapi boeat kaoe kahidoepan ada lebih moesti memeloek kaoe dari kamatian?“
„Itoe doea ada mendjadi satoe dan sama sadja,“ ia menjaoet, .,atawa koerang lebih jang satoe memimpin jang laen. Ach, baekan kita djangan bikin filosofie tentang itoe soeal. Berdandanlah lekasan, kreta boeat kita pesiar ka Bandoeng soeda sedia.”
Dalem tempo doeapoeloe meniet kita soeda berada dalem auto jang membawa kita toeroen ka itoe Parijs van Java, boeat makan angin dan liat-liat karamehan dalem kota.
