240
PENGHIDOEPAN
enak dari satoe bajangan jang menjedihken! Kamoedian, satelah Leo mengoeloen demikian roepa, seperti orang jang maloe, ia paranin lagi toeannja, djilat tangannja, laloe tangankoe dan paling blakang Zara. Dari mana ia sigra berdjalan dengen pelahan menoedjoe ka podjokan tembok dengen boentoet tekklok, tidoer melingkir di atas djoebin, seperti djoega ia terserang oleh kadoeka'an jang tida dapet dikata besaraja.
„Apa itoe andjing sakit?“ akoe menanja dengen terharoe.
„Akoe kira tida," saoet Holbaz. Keada'an oedara ini hari ada djelek, banjak mendoeng, toeroen oedjan, dan sabentar-bentar kadengeran soeara gloedoek: andjing oemoemaja tida krasan denger dan saksiken itoe semoea pero- ba'an natuur.“
Koenjoeng koenjoeng satoe djongos masoek dan serahken sapoetjoek soerat pada Holbaz jang ditaro di atas menampan perak ketjil, sasoedahnja ia sigra berlaloe.
Holbaz boeka soerat itoe sambil batja boenjinja.
Graaf Ivan menjataken iapoenja menjesel tida bisa toeroet hadlirin kita poenja dinner party sabentar malem,“ menerangin Holbaz. „Ia berharep soepaja itoe pesta bisa memoeasken pada semoea seraja hatoerken iapoenja slamet.”
Zara tjoema manggoetken kepala denger itoe soedara poenja perkata'an, ia tida oetjapken sepata perkata'an. Tida lama poela kita
