Dimana adanja Allah
237
terloekis doea hoeroef Arab atawa Sanskriet jang sifatnja sepertie symbool dari kakoeatan occult, jang akoe tida mengarti apa maksoednja.
Sasoedah akoe membatja dengen penoeh kajakinan, akoe simpen baek-baek dalem akoe poenja petih logam dan akoe koentji dengen rapih. Baroe sadja seleseh beresken itoe documents jang boenjinja teroes menarik antero pikirankoe, Zara tiba-tiba moentjoel dari pintoe masoek ka dalem kamar. la baroe abis kerdjaken iapoenja kerdja'an mengoekir dalem iapoenja studio, sebagimana ia menjataken, dan ia sekarang senggang boeat liwatin tempo dengen kongkou enz.
„Soedara, akoe sebolehnja ingin sebrapa lama bisa berdampingan sama kaoe,” ia kemoedian bitjara, kerna sekarang kaoe poenja sobat-sobat soeda dateng, akoe taoe jang kaoe tentoe tida lama lagi aken tinggalken kita, maka selagi dapet kans biarlah kita bergaoel lebih banjak.”
Akoe poenja pengrasaban djadi amat terharoe denger iapoenja oetjapan, dan akoe memandang iapoenja moeka jang sympathiek. Leo, iapoenja andjing jang mengarti, senantiasa ikoetin ia, dan aneh, selama minggoe ini itoe binatang tertampak seperti orang sedih sadja.
„Oh, kita toch tetep selamanja mendjadi sobat paling rapet, boekankah begitoe, Zara dearest? Sobat jang paling kekel seperti djoega matahari dan remboelan!”
„Tentoe sekali !" ia menjaoet dengen ber-
