234
PENGHIDOEPAN
koerang tjotjok, diri sendiri boleh mendapet itoe perhoeboengan langsoeng jang amat penting sama itoe Electrische Cirkel—dalem mana pengaroeh Toehan senantiasa berdjalan. Tap semingkin lambat manoesia insjaf atas ini resia besar, semingkin besar dan lekas kase poja sebab sang Boemi selaloe bertambah deket menghampiri perleboeran. Itoe Wet dari Alam jang; menarik dan mendjadiken sekalian benda, satoe: waktoe moesti tarik djoega Boemi ini begitoe gampang seperti orang menioep apinja lilin. Memang tida bisa disangkal, kapan Boemi ini poelang asal djadi gas kombali, antjoer loedes, nanti aken tertjipta poela laen Boemi, Doenia atawa Planeet sebagi gantinja; tapi tentoe sekali dengen sifat, keada'an, kadoedoekan enz.jang serba baroe, lebih sampoerna, beres serta tida begini kaloet sebagimana keada'annja jang sekarang-penoeh katjau!
„Sabetoelaja, Boemi ini soeda moesti tertarik kombali ka asal, antjoer leboer dalem gas poela atawa mendjadi toempoekan atom; tapi kaloe ia masih tinggal terpoeter dalem garisan matahari, adalah oleh kerna Katjinta 'an Toehan sadja jang seboleh-boleh pandjangken itoe kans aken manoesia perbaeki dirinja masing-masing. Djoega, Toehan poenja kamoerahan itoe disebabken masih memandang pada itoe bebrapa djoemblah manoesia, jang tida berarti kapan. dibandingken sama totaalnja pendoedoek Boemi, jang setiap saat bersoedjoet dan bersembabjang dengen kasoenggoean hati, sa'antero kakoeatan
