Dimana adanja Allah
233
pang nekat atawa lakoeken perboeatan-perboeatan rendah jang menjilakaken diri sendiri dan pada oemoem.
„Orang-orang jang maski hidoep tapi soeda poetoes perhoeboengannja sama ia sendiri poenja Rochani, tida sedikit terdapet dalem' ini doenia, jang dengen pindjem oetjapan Bijbel boleh diseboetken: Sang Setan jang menggantiken boeat kendaliken marika !“ Tida heran kerna dirinja soeda kosong dari itoe Api Sedjati, banjak perboeatan gandjil jang djahat moentjoel di bawah sinar matahari. Sebab-sebab doenia penoeh dengen segala kedjahatan, kasesatan, perboeatan hina dina, kapalsoean dan hal-hal jang bertentangan sama pri kamanoesia'an enz., itoelah oemoemnja orang toempes itoe soeara dari kabatinannja dan menolak tentang kapertjaja'an ldari Kahidoepannja Roch jang djoestroe mendjadi soember penghidoepan jang ada di sakiternja.
„Boeat perbandingan: Ini Boemi ada salah satoe planeet jang teritoeng paling ketjil dari laen laen planeet; dan boekan kerna ketjilnja sadja, tapi, dari iapoenja kadoedoekan (positie) dalem Alam. apa latjoer menerima paling koerang itoe pengaroeh direct dari Electrische Cirkel jang menghidoepken sekalian benda Alam dari laen-laen planeet jang positienja terlebih bagoes. Maka itoe pendoedoek dari ini planeet Boemi haroes insjaf dan moesti perbaeki electriciteit batinnja sendiri masing-masing, agar sasoedah sang Boemi memang berkadoedoekan
