Dimana adanja Allah
235
soemangetnja-meminta pada itoe jang Maha Besar oentoek kaberkahan, ka'ampoenan serta ka bebasan dari sekalian pengisib ini Boemi jang penoeh kadosa'an lantaran kakedjeman dan kaseraka'annja.
„Kenapa Toehan moesti berkesian? Sebab Toehan itoe dengen sekalian tjipta'annja ada berdasar atas prikasoetjian dan katjinta'an, dan barang jang tentoe kerna Allah Tjinta Adanja—la tida bisa tida mempoenjai welas asih jang tida berwates, jang penoeh dengen sifat perma'afan dan kasabaran. Tapi biarlah orang insjaf, bahoea biar bagimana besar ada Toehan poenja kasabaran toch ada wates dan waktoenja!
Itoe pepatah jang membilang bahoea, „Allah Tida Boeta”, itoe betoel sekali. Allah dapet meliat dan mendenger segala apa djoega di Boemi jang sempit ini, jang teritoeng paling ketjil dari sekalian planeet planeet. Allah serta sekalian Roch roch soetji senantiasa contact dengen sasoeatoe machloek jang mana poen dan alam ini memang terboengkoes dengen kakoeatan electriciteit tida berwates, hingga segala gerakan manoesia lahir batin, dengen pengaroehnja itoe tenaga electrisch, automatisch seperti Radio dapet didenger serta disaksiken !
„Boemi ini soeda beroesia millioenan taon, tapi apakah artinja satoe millioen taon dalem Wet Natuur jang langgeng? Seperti dibilang, dalem Alam jang loeas bola Boemi ini tida
