232
PENGHIDOEPAN
berkobar-kobar boeat membakar apa-apa, atawa ia bisa dikasih liwat saklebatan ka atas oedara—tapi selamanja tida aken bisa dilinjapken. Malah itoe dzat electrisch batin bisa dirawat sehingga berobah mendjadi Sifat Soemanget atawa Roch jang tegoeh serta sanget indah—jang dalem iapoenja roman jang terkenal dibatin kita namaken sebagi peringetan pikiran jang tida bisa loedes, rasa merasa, dan bekerdjanja katjerdasan otak. Sebaliknja, kaloe ia ditelantarken, disia sia dan diloepa, dan iapoenja gandengan jang dinamaken Kamaoean kaloetjoema kabetot oleh beratnja Boemi, jang meloeloe inget bekerdja boeat sifat doeniawi belaka, menoeroetin napsoe temaha, kamoedian ia djadi njasar ka mana-mana kakoeatannja boeat tjari laen kans jang bisa madjoeken padanja, baek disini djoega atawa di laen planeet. Dalem keada'an demikian, kapan ia soeda tida berhoeboeng direct sama sang badan djasmani, kerna tersia-sia, itoe badan jang banja hidoep atas toendjangan makanan serta minoeman sadja dari ini Boemi atas mana sang badan mengindjek, achirnja badan jang begitoe keada'annja mendjadi tida lebih sebagi bandoelan darah daging meloeloe, dus sebagi penghidoepan binatang sadja jang zonder batin dan soemanget, penoeh dengen kakoesoetan seblah dalem serta bertimboen oleh kaboeroekan dalem akal boedinja, sedeng dalem segala perboeatan aken djadi tida senoenoe, roesak moraalnja, gampang didjangkitken berbagi penjakit, gam-
