226
PENGHIDOEPAN
wet kasehatan dengen betoel, dan tida meleset kasihken kita boeah jang memoewasken.“
Mr. Johnson jang sedari tadi banjakan diam, kamoedian toeroet bitjara satelah denger Zara poenja perkataan itoe: „Djadi kaoe artiken, Madame Zara, bahoea soedaramoe betoel soedah semboehken penjakitnja njonja Hou oleh pengaroeh electriciteit?“
„Sasoenggoenja demikian!“ ia menjaoet.
„Kaloe begitoe memang iapoenja tjara kasemboehan ada loear biasa jang akoe baroe ini kali saksiken. Tjoba pikir, waktoe masih ada di Buitenzorg, iapoenja mata goerem, paras poetjet sanget, badan koeroes; sekarang apa magiem well, di loear doegaan sama sekali ia djadi begini waras, melebihken kita- orang semoea!“
Akoe mesem.
„Tida salah katamoe, toean,“ akoe menjaoet...Penghidoepan bagikoe sekarang laksana sinar matahari pagi jang gilang goemilang.“
Sakean lama kita bitjara dengen penoeh kagirangan, kamoedian Amy minta akoe doedoek di depan piano jang memang tersedia dalem kamar itoe, boeat kasih denger bebrapa lagoe oentoek kasenengan iaorang. Bermoela akoe bersangsi boeat loeloesken iapoenja permintaan, tapi koetika Zara kasih tanda akoe boleh madjoe, dengen lantas akoe paranin itoe instrument.
Akoe sigra gerakin djari - djarikoe di atas forte, dengen belon taoe lagoe apa jang paling
