Dimana adanja Allah
225
„Amy, idzinkenlah akoe adjar kenal kaoe sama soedaranja akoe poenja dokter. Ini Mme. Zara Casimir!" akoe memvoorstel.
Zara dengen sigra berbangkit, sodorken sambil bersenjoem iapoenja tangan jang poetih dan aloes pada sobatkoe itoe.
„Akoe girang bisa berkenalan dengen kaoe!" Ia mengoetjap dengen soearanja jang merdoe. „Kaoe poenja sobat," sambil toendjoek akoe, „djoega telah mendjadi sobatkoe; tapi akoe kira kaoe tentoe toeroet bersoeka hati?"
Sakoetika lama Amy tida mengoetjap, dan ia pandeng Zara dengen penoeh kakagoeman. Boekan sadja Miss Amy jang djadi melongo, tapi semoea jang terdapet disitpoe, teroetama toean - toean Johnson dan Daddy. Bebrapa seconde kamoedian baroe Amy berkata boeat bales itoe sobat baroe poenja pengoetaraan sympathie. Selandjoetnja kita kongkou dengen asik dalem kamar tetamoe dari Pension itoe, sehingga dateng temponja dimana Zara mengoendang pada marika sekalian boeat dateng di Villa Mars dalem satoe dinner jang aken diadaken. Itoe oendangan dengen zonder sangsi lagi soedah ditrima dengen seneng hati.
„Well!" berkata njonja Daddy tiba-tiba, „akoe baroe liat doea orang prampoean_jang begitoe permei dan sehat seperti kaoe. Resia apa jang kaoe orang ada poenja hingga mengasih chasiat sanget loear biasa bagi dirimoe?"
„Tida ada resia sama sekali," saoet Zara sembari tertawa, „kita melaenken ikoetin wet-
