Dimana adanja Allah
227
baek akoe maenin. Bisik-bisik dalem hati akoe seboet akoe poenja sobat rochani dalem muziek Aeon. Tjepet sekali lagoe jang meresep terbit dalem akoe poenja peringetan, toeroen di djari djari dengen perantaraan sang otak, hingga dengen gapa akoe menaboe terces itoe piano jang mengloearken soeara begitoe merdoe.
Itoe muziek dari tempat soenji jang terang terdenger dalem batinkoe teroes mengasih akoe kagoembiraan bermaen serta djarikoe saolah-olah ada jang gerakin boeat memboenjiken piano itoe. Akoe sendiri dibikin amat kagoem dengen lagoe jang akoe maenin, jang dengen teroes terang akoe moesti mengakoe, tida bisa zonder dapetken itoe pengoendjoekan aloes. Itoelah brangkali jang dinamaken inspiratie atawa ilham. Bebrapa meniet kombali berselang, itoe soeara disebelah dalem pelan-pelan semingkin linjap hingga brenti anteronja dan djari-djarikoe poen menoetoep lagoe itoe. Seperti mendoesin dari impian, akoe berpaling pada sakiter sitoe. Oh, akoe saksiken itoe sakean sobat kalelep betoel - betoel dalem itoe lagoe jang moeloek, kerna kapan akoe brenti bermaen, marika masih tinggal bengong sakean lama sebagi orang kasengsem. Kira-kira satoe meniet liwat baroe marika kadengeran boeka soeara mengroetoe, mengagoemin kaindahannja itoe lagoe.
„Bagimana kaoe bisa maenken lagoe jang begitoe meresep hingga membikin sekalian pendenger terbawa anjoet setaoe ka mana?“
