224
PENGHIDOEPAN
aken pertjaja kaoe, dan tarik oerat aken memerangin oeroesan demikian tjoema - tjoema memboewang tempo belaka."
Sasoedah kita seleseh, dengen sigra akoe sama Zara naek ka dalem auto jang bawa kita ka Pension Mevr. van Klaar. Sesampe kita di sana Amy, Mr. Johnson, njonja Daddy serta swaminja soedah menoenggoe kedatengan kita. Amy girang sekali meliat akoe jang lantas ia peloek sambil tertawa girang.
„Hola, taoekah kaoe." ia moelai berkata, ,,kaoe djadi lebih moeda dan begitoe seger! Akoe tida perna impiken kaoe poenja kasehatan balik sampe begini sampoerna. Kaoe seperti boena mawar jang baroe mekar kombali, paras moekamoe begitoe merah dan seger. Dan kaoe toch belon lama tanggoeng penjakit jang begitoe heibat, sanget poetjet, zenuwen selaloe mabok dan koeroes! Ach, kaoe poenja dokter soenggoe tida beda sebagi toekang soenglap jang amat pande. Akoe pikir moesti katemoeken ia, kerna akoe mengakoe teroes-terang sekarang kaoe djaoe lebih sehat dari akoe."
Akoe membilang banjak trima kasih bagi Amy serta laen laen poenja katjintaan jang begitoe besar. Akoe taoe, Any ada saorang prampoean jang terkenal paling apik dalem hal rawat kasehatan dirinja dan apa jang ia bilang tentang dirikoe jang soedah berobah, sasoenggoenja memang kaloear dari hatinja jang amat ketarik dan kagoem.
