Dimana adanja Allah
221
„Djangan kaoe menjesel, soedara jang baek." Zara meneroesken. „Sabegitoe lama penghidoepan masih ada dalem ini doenia, di sana poen ada pengharepan. Moedah - moedahan sadja semingkin banjak manoesia jang tersedar dalem ilmoe sedjati jang mengandoeng Kabesaran Toehan. Sekarang baeklah kita bitjaraken laen hal jang tida makan banjak pikiran, jang menggirangken hati. Ada doea perkara jang akoe maoe kasi kaoe taoe: Pertama, disini ada satoe soerat boeat kaoe, jang baroesan dianterken oleh post; kadoea, santapan pagi nanti klaar dalem doeapoeloe meniet maka baek kaoe bersedia boeat ka medja makan."
Akoe berdjandji dalem tempo terseboet akoe aken soedah beres boeat bertemoe di medja makan. Akoe pesen setjara memaen pada itoe sobat jang loear biasa soepaja djangan loepa bikinken akoe koffie, kerna Zara poenja tjara bikin aer koffie ada sedep sekali akoe rasaken. Ia boleh dikata satoe achli boeat wedang koffie, jang akoe tida taoe ia pakein boemboe apa.
Dengen sigra Zara berlaloe ka dapoer menilik boedjang - boedjang bekerdja goena itoe ontbijt. Itoe soerat jang Zara tadi trimaken padakoe ada dari Miss Amy dan Mr. Johnson. kawankoe berdjalan, dan soerat mana satelah akoe boeka berboenji sebagi berikoet:
Kapan kaoe trima ini soerat, kita-orang soeda berada di Lembang di
