Halaman ini tervalidasi
222
PENGHIDOEPAN
- Pensionnja Mevr. van Klaar. Lekas dateng pada kita, kaloe kaoe tida berhalangan. Mr. Johnson kliwat kangen kepingin liat kaoe poenja keadaan sampe brapa djaoe kaoe telah tersemboeh. Lebih lagi kaloe soedah waras betoel dan boleh berlaloe dari kaoe poenja tempat-berobat, kita poenja girang lebih dari segala apa hingga kita boleh berplesir sakean lama lagi aken kamoedian balik poelang. Sadjek kaoe berpisa dari akoe, seringkalih akoe berasa iseng, sanget kasepian, hingga akoe kalo boleh maoe tengok kaoe dengen lantas. Kaboelkenlah akoe poenja rasa kangen ini dan tengok kaoe poenja sobat jang tertjinta.
Amy"
Waktoe bersantap akoe oelangken boenjinja itoe soerat dari Amy pada Holbaz dan Zara seraja memberi tace jang akoe maoe tengokin sobat terseboet ini pagi.
„Akoe harep kaoe bisa kaloear sama sama akoe, Zara," akoe berpaling padanja.
Di loear doegaankoe ia menjaoet: „Boleh sekali, akoe maoe, bilah kaoe soeka.
Akoe poen ingin berkenalan sama kace poenja sobat-sobat baek."
Akoe girang denger Zara poenja pernjataan, dan berbareng mana Holbaz menambahken dengen roepa jang goembira:
„Kenapa kaoe tida maoe adjak sekali kaoe
