Dimana adanja Allah
217
atoeran-atoeran boeat bikin teqgoeh kaoe poenja kakoewatan batin, itoelah pasti kaoe aken mendjadi saorang jang paling sehat, beroentoeng lahir-batin.“
Seabis ia berkata- kata ia paranin satoe lemari, dan ambil dari sitoe doea goeloeng kertas jang di iket dengen rapih sama pita warna mas, dan satoenja l-gi ditaro dalem doos berwarna jang bagoes. Kamoedian ia berkata:
„Ini tertoelis akoe poenja instructies speciaal boeat kaoe. Djangan sekali maski sebaris perkataanja dioewarken pada laen orang. Doenia belon mateng boeat trima ilmoe kapandean jang tinggi, dan resia-resia dari ilmoe pengatahoean besar tioema boleh diterangin pada sedikit orang sadja. Dari itoe simpenlah baek-baek ini doos soerat dalem peti jang terkoentji betoel, dan djangan sampe sembarang mata dapet membatja selaennja kaoe sendiri.”
Akoe berdjandji boeat perhatiken iapoenja pesenan, dan itoe doos ia serahken. Kamoedian ja pegang jang di iket sama pita merah, sambil sodorken itoe padakoe ia kombali berkata:
„Dalem ini toelisan ada diterangin djelas itoe resia-resia Electrisch dalem diri manoesia. Ini boeat kaoe jakinken sendiri dan ambil perhatian; bilah kaoe rasa baek membilangin laen orang, boeat ini akoe tida moestiken melarang. Tapi sebagimana akoe soedah kata, biar bagimana poen kaoe tida bisa paksa kapertjajaan—bahoea ikan mas dalem bak katja
