216
PENGHIDOEPAN
kaoe“! Itoe memang boekan perkara jang moestail.“
Sakoetika lama Holbaz berdiam, ia seperti lagi koempoelken iapoenja kakoewatan pikiran dan di sakiter kita mendjadi soenji.
„Sekarang, sabeloa kaoe berlaloe boeat mengasoh ini malem, akoe maoe oetaraken bebrapa perkataan jang penting,“ ia berkata lagi. „Akoe soeda sediaken bebrapa toel san berfaedah boeat kaoe poenja kamadjoean lebih djaoe tentang resianja penghidoepan dan alam jang loewas. Dalem itoe toelisan antaranja kaoe bisa dapet taoce bebrapa katerangan bagimana boeat peladjarin serta bikin sampoerna kaoe sendiri poenja electrisch batin dalem dirimoe, dan dengen begitoe kaoe diadi membantoe akoe dalem ini penjelidikan. Djoega akoe aken serahken kaoe bebrapa recept dari itoe aer obat dengen apa, bilah kaoe minoem sedikit saben hari, nanti membikin kaoe tinggal seger, waras, koeat, dan berpikiran amat djerni, lebih djaoe poen kaoe poenja kamoedaan tinggal awet, tida lekas rongsok sebagimana oemoemnja badan manoesia jang gampang lajoe laksana daon kering tersorot oleh sinar matahari. Satoe hal akoe peringetken, djanganlah kaoe minoem itoe aer terlaloe banjak, lebih dari oekoeran, jang bisa membikin kaoe terpisa selamanija dari ini doenia sabelon sampe temponja. Tapi bilah kaoe minoem aer terseboet saben pagi menoeroet wates jang soedah ditetepken, dan berbareng kaoe perhatiken itoe
