218
PENGHIDOEPAN
soedah tentoe tida aken mengerti hal kabesarannja laoetan. Tjoekoeplah djika kaoe sendiri bisa dapetken kagirangan dari itoe resia-resia jang kaoe telah taoe, dan djangan berdoeka andehnja ada orang-orang laen jang tida bisa trima atawa pertjaja itoe. Begitoelah sadja. mademoiselle; soeda laat malem, akoe hatoerken good-night!"
Akoe samboetin itoe goeloengan jang kadoea dari Holbaz poenja tangan dengen pengrasahan sanget bertrima kasih bagi boedinja itoe orang berilmoe jang akoe telah menerima boekan sedikit.
,,Apa Zara taoe brapa lama akoe poeles dalem keadaan melajang itoe ?" akoe menanja kamoedian.
,,Ja," Holbaz djawab, dan ia, seperti djoega akoe, telah koeatir meliat keadaanmoe jang loear biasa. Zara brangkali soedah tidoer lama, kerna sabelon kaoe sedar ia soedah masoek ka kamarnja
Selagi Holbaz bitjaraken Zara, iapoenja mata tertampak mengandoeng sorot jang sedih seperti orang bersoesah hati, sedeng iapoenja djidat mengkeroet. Pengrasahan dan firasat jang tida enak seaken-aken melipoeti sakoedjoer dirikoe.
Apa Zara terganggoe kasehatannja?" akoe lantas menanja.
,,Ia ada dalem kawarasan baek sekali, tida koerang soeatoe apa," Holbaz djawab. „He, kenapa kaoe koeatirken ia sakit dan tergang-
