Dimana adanja Allah
215
toerken trima kasih padamoe!" akoe kamoedian berkata. „Akoe pertjaja kaoe tentoe tida banjak sedikit ada taoe tentang pengalamenkoe itoe?“
„Koerang lebih sedikit, tida semoea,“ ia menjaoet. „Tentoe akoe taoe doenia atawa planeet bagimana matjem dan keadaan apa jang kaoe saksiken, tapi apa jang dioetjapken pada kaoe, atawa katerangan bagimena jang ditoetoerken boeat kaoe oentoek kabaekanmoe, itoelah akoe tida bisa bilang.“
Dengen lantas akce tjeritaken pada itoe Master jang bidjaksana bagimana akoe poenja pengalaman selama melantjorg dalem alam aloes itoe. Holbaz dengerin tjeritakoe dengen penoe perhatian dan keliatan seneng. Kapan akoe soedah seleseh sigra ia berkata:
„Kaoe poenja perdjalanan dan pengalaman ada lebih baek dari jang laen. Cellini, oepamanja tida lebih djaoeh ia tjoema sampe di Venus, dan Zara djoega koerang lebih ampir bersamaan seperti Cellini. Itoe ada bergantoeng atas masing-masing orang poenja kapertjaiaan dan kakoewatan batinnja. Kaoe haroes diakoeh mempoenjai kamaoean jang keras; kabatinan jang djerni, hingga dengen tida terlaloe soesah kaoe beroleh sakean pengalaman jang tida sembarang orang biasa bisa dapetken. Menginget keadaanmoe semingkin njata kabenerannja itoe oetjapan: „Mintalah, dan nanti dikasihken; tjerilah, dan kaoe nanti dapetken; ketoklah, dan nanti diboekaken boeat:
