212
PENGHIDOEPAN
zonder datengken katjapean, kalemahan dan bosen, samentara kaoe poenja makanan adalah jang beroepa tjahaja terang dan oedara jang bersih jang mengandoeng dzat - dzat kasampoernaan dari pada segala makanan jang terdapet dalem kaoe poenja doenia jang fanah. Kembang-kembang, jang bagoes - bagoes dan heran serta tida bisa lajoe, aken berboenga boeat kaoe; boeroeng - boeroeng jang loear biasa eiloknja serta soeitan njanjiannja jang merdoe aken menjanji di depammoe; bidadari-bidadari mendjadi kaoe poenja kawan-kawan. Tida ada kakoeatiran, besar atawa ketjil, rasa soesah dan sebaginja, terdapet dalem itoe lingkoengan dari Maha Besar Toehan atawa Sorga."
Akoe dengerin penoetoerannja Azul dengen pengrasahan poewas sambil perhatiken iapoenja gerakan tangan jang mengoendjoek ini-itoe di sakoeliling kita. Kamoedian akoe denger itoe Malaikat berkata:
„Tjoekoeplah sampe disini apa jang kaoe perloe taoe, Soedara Rochani, dan kaoe moesti kombali toeroen di Boemi. Tjoema satoe perkara jang akoe hendak pesen jaitoe, kapan kamatian dateng ja....... itoe kamatian dari sang badan kasar jang memang tida kekel, trimalah itoe dengen hati goembira dan tangan terboeka, dan ingetlah pesenankoe ini! Dan sekarang, akoe hatoerken—slamet tinggal !”
Maski akoe hendak bitjara tapi tida bisa. Akoe tjoema merasa bahoea akoe melajang
