Dimana adanja Allah
213
toeroen dengen katjepetan boekan kepalang. dan semingkin lama djadi semingkin gelap pengliatankoe. Tiba-tiba akoe seolah - olah masoek dalem satoe tempat atawa kamar kosong, akoe bergerak boeat longgarken dirikoe, akoe berdaja boeat dapetin hawa kahidoepan, boeat bernapas. Kamoedian akoe berasa akoe telah kailangan akoe poenja kalaloeasaan dari bergeraknja anggota toeboekoe jang aloes, jang bersifat rochani, dan ternjata akoe terkoeroeng poela dalem anggota toeboeh djasmani jang terdiri dari darah-daging — dari tanah lempoeng! Akoe djadi terkesiap, akoe brontak, akoe gelagapan kerna terbenam dalem gelap, achirnja akoe boeka moeloet boeat bertreak........ dan djadi mendoesin!
Koetika akoe melekin mata, begitoelah akoe soedah berada kombali dalem badan kasarkoe, tapi peringetankoe tinggal tetep tetang dan tida loepa sama segala apa jang akoe alamken itoe Oh, itoe pengalaman-pengalaman jang gaib dari soemangetkoe ada teringet dengen baek. Holbaz tatkala itoe berdiri di dampingkoe dengen matanja ditoedjoeken pada moekakoe sakeam lamanja, jang akoe rasaken sanget berpengaroeb, dan kamoedian iapoenja paras terloekis dengen senjoeman jang menjenengken kapan akoe bersenjoem seraja akoe seboet namanja dengen soeara keras.
