Dimana adanja Allah
211
paling pengabisan boeat berpisah dari sang badan djasmani, atawa waktoe lepasken napas jang pengabisan, — dimana kaoe moesti tinggalken itoe koeroengan tanah,—dengen kaoe poenja Roch liwatin itoe Boenderan Besar dari Nirwana. Itoelah ada satoe daerah dari kagoembiraan, kaindahan, kalanggengan jang kekel, dalem mana segala apa senantiasa tinggal idjo dan bagoes. Kaoe aken mendenger muziek-muziek jang kaoe sama sekali belon perna denger atawa brani impiken lagoe jang begitoe indahnja, begitoe poenja merdoe. Kaoe aken dapetken sobat-sobat jang baek, berboedi, setia dan poetih bersih. Kaoe aken bisa membatja dan meliat hikajat-hikajat dari semoea planeet - planeet jang beroepa pemandengan jang teroes-meneroes bergerak serta bertoekar - toekar senantiasa. Kaoe aken ditjinta dan menjinta boeat selama-lamanja oleh kaoe sendiri poenja Roch Pasangan atawa Persobatan, tida perdoeli itoe Roch jang sat0enja dari kaoe ada dimana djoega, toch achirnja moesti bertemoe poela padamoe. Kagoembiraan dari mempeladjarin apa-apa, peringetan, pikiran sedar, tidoer, mendoesin, dan laen- laen pergerakan jang memoewasken semoea djadi poenjamoe. Dosa, kasedian, penjakit, sangsara dan kamatian kaoe tra'aken alami poela selamanja. Apa jang kaoe inget tentang kaberoentoengan itoelah aken didapetken, tida ada soeatoe barang jang moestail. Kaoe boleh lakoeken segala kerdjaan atawa apa djoega
